وفي ناس حلوين جواك بالجد حلوين بكون يمكن يكون احلي ناس لاقيتهم في الدنيا دي
لاكن مابتقدر تستبقيهم مابتقدر تقول ليهم طوالي اقعدوا طوالي معاي مستحيل يعني
عندهم ظورفهم عندهم شغلهم عندهم ملابستهم الماخلتهم يقعدوا معاك في ناس يقول
ليك اكتر زول بتعرف بتريدوا كيف جواك لم يمشي يعني بكون عذاب فرقتوا دا او عذاب فقدوا وراك قدر كم كان هو جواك لم مشي صعب الكلام دا ساهل فكروا فيهوا تاني يعني اصعب شئي زول يقول ليك انا ماشي الفرقه والوداع دايما" بزكرني القطار المره وقطار الشوق انو انا مسافر يعني انا خلاص مشيت وشيل الحقيبه وشكل المناديل
يعني بداية الفراق ومراحله يعني انا ماشي دي عباره صعبه خلاص ماعارف يعني حتي لوقعدت زول حتي لو حنستوا حتي لوراضيتوا
حتي لوطيبت خاطروا حتي لوقلت ليهوا عليك الله
حتي لو حلفته تاني هو ماشي ببقي مرات انوا هو ماشي اكبرمن اي حاجه تانيه يعني بعد احساسوا بي المشي دا حتي استبقاهو بكون مجهجه حتي بتقول ليهوا اقعود بكون بين قاعد وبين ماشي روح بهن وروح بهناك انا ماشي حسي انا ماشي مرات بكون الرحيل صعب لاكن لابد منوا انشاء الله يكون الكلام دا خفيف عليكم اعتبروه حاجه بسيطه واعتروها قهوه عصريه وانا بهديها لي كل الناس البيقروها واحد واحد وبسلم عليهم ونتلاقي تاني في نفس المكان
[img][/img]
السبت يناير 03, 2015 4:54 pm من طرف 
موضوع: وفي ناس حلوين جواك 
