الامثال السودانية وهي معروفة

بسم الله والصلاة والسلام على من بعثه الله رحمة للعالمين

سوف أسردعليكم بعض من الأمثال التي ذكرها اهلنا في المناسبات في السودانية الذي تتعدد فيه الأعراق والأجناس واللهجات ومنها

حَبَابْكُمْ عَشَرَة بَلا كَشَرَة
يقال للضيوف بمعنى أننا سوف نخدمكم بأصابعنا العشرة وبإبتسامة

الفِي نَفْسُو سَمْسِينق بَرَاهُ بِدَنْسينق
سمسينق تعني ( something )
براه من نفسه
بدنسينق ـdancing )
يعني من أخفى شيء سوف يظهر عليه
ويوجد مثل آخر يشبهه يقول ( الفي بطنو حُرْقُصْ بَرَاهُ بِيَرقُصْ )

بِيجي الخَرِيف واللّواري بِتْقيف
بيجي ( يأتي )
الخريف ( هو فصل الخريف وهو موسم الأمطار في السودان فقديماً كانت الشاحنات واللواري في موسم الخريف تتعطل لكثرة الأمطار التي تسد الطرق فتكون وعرة .

القُفّة أُم اِضْنَيْنَ بِشِيلُوها نفرين
القفة ( هي طبق يصنع من سعف النخيل لحمل الخضار )
أم اضنين ( لها أذنان )

اتنين كان قالوا ليك أضَانْك مافى اهْبِشَها
أضانك (أذنك)
اهبشها ( تحسسها أو ألمسها )

الما دَارْك ما خَرْبَشك
يعني الذي لا يريدك فهو لن يؤذيك

جارك القريب ولا وَدْ أمّك البعيد
يعني جارك هو أقرب من أخوك الذي يسكن بعيد عنك


الزول كان أبَاك من غير سبب ما تسْكُو
أمسح إسمو من خَارْطة ضميرك حُكُو
أباك ( لا يريدك )
تسكو ( تجري خلفه )

الماشاف البحر تَخْلعُوا التُرْعَة
الماشاف ( من لم يرى )
تخلعوا ( تفزعه )

المال تِلتُو ولا كَتِلْتُوا
- تلتو (ثلث ) - كتلتو ( عَدَمَهُ)
يعني إذا كان لك عند شخص مال وأتعب; وتأخر عليك كثيراً في رده .. فإذا أعطاك الثلث فأقبل به .


الجمل ما بِشُوف عَوَجَة رَقَبْتُو
ما بشوف ( لا يرى )
عوجة ( أي ميلان أو التفاف )
رقبتو ( رقبته

والله امثال جميله بمعني الكلمه وبواقع اهلنا في السودان

اضافه جديده:-
بقول ليك البيتوا من قزاز ما يطقع الناس بالحجار
عارفين لي:
المثل دا بمعني انك لو ضربت الناس بالحجار مابتجيها حاجه
بس هم لو طقعوك القزاز حيتكسر
وعندوا معني اخر بس مستني ردو منكم ؟